فعاليات “أنيماتكس” للرسوم المتحركة من 11 لـ 15 فبراير

"أنيماتيكس" بيحتفل بمرور 90 سنة من الرسوم المتحركة المصرية، واتقدم للدورة دي أكتر من 2000 فيلم، من 111 دولة مختلفة، وده عشان يشاركوا في المسابقة العربية والدولية.

وخلال الفاعليات، هيتعرض "Maya, Give Me a Title" أفضل فيلم في مهرجان برلين 2025، و"حكاية لعبة" بمناسبة مرور 30 سنة على دبلجته بالمصري، والفيلم الألماني "مغامرات الأمير أحمد" أقدم فيلم رسوم متحركة، وفيلم "حياة الإمبراطور الجديدة" احتفالًا بمرور 25 سنة على دبلجته.

وغير الأفلام، فهيكون في ندوات ومناقشات مع كبار صناع أفلام الرسوم المتحركة في العالم، زي:

مينا إبراهيم، مشرف ومخرج أنيميشن اشتغل على أفلام زي Spider-Man: No Way، وصانعة الرسوم المتحركة سارة متى، ورسام ومخرج الأنيميشن والمرشح لجوائز إيمي وآني شوفيلا كوكر، وغيرهم.

"أنيماتكس" هو أكبر حدث مصري سنوي للرسوم المتحركة. تأسس سنة 2020 عشان يجمع كل الفنانين في مجال الرسوم المتحركة في مصر سوا. والتذاكر دلوقتي متاحة على TicketsMarche.

وتقدر تعرف تفاصيل أكتر عن أنيماتيكس وجدول الفعاليات من خلال صفحة animatix