«كوجاك» المصمم المصري الوحيد المشارك في Fashion forward في دبي

بتحب كوجاك أو بتكرهه، لكن هو واحد من أهم مصممين الأزياء في مصر، وحاضر بقوة في المشهد اللي يخص الموضة في مصر، مثلًا في مهرجان الجونة السينمائي، كوجاك صمم ملابس يسرا اللوزي ونيللي كريم وجميلة عوض في الافتتاح. 

وفي دبي هيقام أسبوع الموضة أو fashion forward اللي هيضم أفضل مصممين الأزياء في العالم كله من 26 أكتوبر لحد 28، وكوجاك هو المصري الوحيد المشارك في الحدث ده. "كوجاك" قال إنه شايف إن خطوة دبي مهمة علشان يخليه في مكان مختلف في صناعة الأزياء الدولية. 

لو عايز تشوف تصميمات مختلفة لكوجاك ممكن تشوف من  Instagram  Facebook. وممكن تتابع موقع أسبوع الموضة في دبي من هنا. 

Photo by: CairoZoom.