"سيكو سيكو" بطولة عصام عمر، وطه دسوقي، وعلي صبحي، وتارا عماد، وديانا هشام، وأحمد عبد الحميد، ومحمود صادق حدوتة، وده غير ضيوف الشرف اللي منهم باسم سمرة وخالد الصاوي. وهو تأليف محمد الدباح، وإخراج عمر المهندس.

وأحداث الفيلم بتدور في إطار كوميدي اجتماعي، عن شابين واحد بيشتغل في شركة شحن، والتاني مصمم ألعاب فيديو، وبيتورطوا في مشكلة هتدخلهم في مفاجآت كتير، فهيحاولوا يخرجوا منها بأقل الخسائر.

الدشاش

"الدشاش" بطولة محمد سعد، وزينة، وباسم سمرة، ونسرين أمين، وخالد الصاوي، ونسرين طافش، ومريم الجندي، وأحمد الرافعي، ورشوان توفيق، ومصطفى أبو سريع، وتأليف جوزيف فوزي، وإخراج سامح عبد العزيز.

الفيلم بيحكي عن مالك نادي ليلي مشبوه بيحاول يغير حياته بعد ما بيمر بأزمة صحية، لكن مع كل الأشخاص اللي أساء ليهم، المهمة مش هتكون سهلة.

ريستارات

"ريستارت" بطولة تامر حسني، هنا الزاهد، باسم سمرة، محمد ثروت، وعصام السقا، وبيشارك فيه عدد من ضيوف الشرف، زي: إلهام شاهين، ومحمد رجب، وأحمد حسام (ميدو)، وشيماء سيف، ورانيا منصور. وهو تأليف أيمن بهجت قمر، وإخراج سارة وفيق.

الفيلم بيحكي عن "محمد"، فني هواتف بسيط، بيحلم يتجوز من "عفاف"، مؤثرة صغيرة على السوشيال ميديا. لكن الفلوس بتكون عائق بينهم. فبيقرروا يتعاونوا مع عائلتهما الكوميدية لتحقيق الشهرة على الإنترنت.

6 أيام

الفيلم بطولة أحمد مالك وآية سماحة، ومن تأليف وائل حمدي، وإنتاج شركة "سي سينما برودكشنز" لـ هاني نجيب وأحمد فهمي، وإخراج كريم شعبان.

وأحداث الفيلم بتدور عن "يوسف" و"عالية" اللي بيتقابلوا بعد سنين من فراق فرضته عليهم ظروف قهرية وهما في المرحلة الثانوية، الصدفة بتجمع بينهم مرة تانية بعد ما كل واحد بقى عنده مسار مختلف في حياته عن التاني، فهل هتتغير المشاعر مع تغيرهم ونضجهم بمرور السنين؟

مين يصدق

"مين يصدق" بطولة يوسف عمر وچيدا منصور، وبيشاركهم مجموعة كبيرة من ضيوف الشرف، منهم أشرف عبد الباقي، وشريف منير، وأحمد رزق، وسليمان عيد، والفيلم فكرة زينة عبد الباقي ومصطفى عسكر وحامد الشراب، وسيناريو وحوار زينة عبد الباقي ومصطفى خالد بهجت.

الفيلم بيحكي عن " نادين" اللي بتعاني من قلة اهتمام من والديها، وبتتعرف على "باسم" شاب نصاب بيقدم ليها الحب والاهتمام ، وبيقنعها تشترك معاه في عمليات النصب، وده اللي بيخليهم يقابلوا مشاكل كبيرة.

الحريفة 2: الريمونتادا

"الحريفة 2" بطولة نور النبوي، وأحمد غزي، ونور إيهاب، خالد الذهبي، وأحمد بحر "كزبرة"، وعبد الرحمن محمد، ونورين أبو سعدة، وآسر ياسين وبيشارك فيه ضيوف شرف، زي: أحمد فهمي، وأسماء جلال. وهو تأليف إياد صالح، وإخراج كريم سعد.

الفيلم بيحكي عن التطورات اللي حصلت في حياة "ماجد" وأصحابه والتحديات والتجارب الجديدة اللي دخلوها من خلال كورة القدم، وكمان بيعرض تطور شخصياتهم والتغيرات اللي حصلت ليهم.

الشاطر

"الشاطر" بطولة أمير كرارة، وهنا الزاهد، ومصطفى غريب، ومن تأليف وإخراج أحمد الجندي.

الفيلم بتدور أحداثه في إطار كوميدي عن دوبلير محترف بتقوده شغله لمواقف خطرة ومضحكة بتغيّر مجرى حياته.

اللعب مع العيال

"اللعب مع العيال" بطولة محمد إمام، وأسماء جلال، وباسم سمرة، وحجاج عبد العظيم، ودينا محسن ويزو، ومصطفى غريب، وتأليف وإخراج شريف عرفة.

وبيحكي عن "علام" مدرس التاريخ الشاب اللي بيتنقل لمدرسة في منطقة صحراوية، وهناك بيتعرض لعدد من الأزمات والمواقف الصعبة اللي بتقلب حياته رأسًا على عقب في إطار كوميدي.

أحمد وأحمد

"أحمد وأحمد" بطولة أحمد السقا، وأحمد فهمي، وجيهان الشماشرجي، وطارق لطفي، وغادة عبد الرازق، وعلي صبحي، ومحمد لطفي، ورشدي الشامي، وحاتم صلاح، مع عدد من ضيوف الشرف منهم أوس أوس. والعمل مفكرة وسيناريو وحوار أحمد درويش ومحمد عبدالله، وإخراج أحمد نادر جلال.

The Gorge

هو فيلم رعب خيال علمي، من إخراج سكوت ديركسون، وكتابة زاك دين. وبطولة مايلز تيلر، وأنيا تايلور جوي، وسيغورني ويفر.

الفيلم بيحكي عن أخدود كبير في مكان معزول تماماً على كوكب الأرض، والأخدود ده بيحتوى على مخلوقات مجهولة الهوية وبيمنع خروجها برجين على ضفتين الأخدود، وفي كل شخص قاعد، واللي بيتم تكلفهم من جهة ما للمهمة السرية دي، ولكن الشخصين مايعرفوش حجم الصعاب والمشاكل اللي هيضطروا يواجهوها وهما بينفذوا مهمتهم.

Previous Article وفاة المخرج داوود عبد السيد عن عمر ٧٩ سنة