تويتر هيعمل تجربة لزيادة الحروف في التويت ل280 حرف

كلنا عارفين ومتعودين على إن عدد حروف تويتر ١٤٠ حرف من ساعة بدايته في ٢٠٠٦، لكن الموضوع ده احتمال ينتهى قريب. شركة تويتر أعلنت إنها هتبدأ تجربة من عينة عشوائية من المستخدمين، وتسمحلهم يكتبوا تغريدات يوصل عدد حروفها ٢٦٠ حرف، وده الرقم المتاح حاليًا في كل لغات العالم. 

الناس ياما حاولت تتحايل على ال١٤٠ حرف دول، وفي منهم كتير كان بيكتب اللي عايزه وينزله سكرين شوت، اللي هو طب ما تروحوا فيس بوك يا شباب؟ المهم تويتر أكدت إن مبدأها في الاختصار زي ما هو، لكنها بتفكر ازاي تخلي المستخدمين يعبروا عن أفكارهم بشكل أسهل، وقالت برضه إن من أهم الأسباب لطرح الفكرة، هي اللغات اللي زي اليابانية والصينية والكورية، فعملاً بمبدأ العدالة تم طرح فكرة زيادة عدد الحروف علشان اللغات كلها تاخد فرصتها في الكلام