مهرجان الجونة السينمائي هيقدم جائزة لصناع الأفلام النازحين

مهرجان الجونة السينمائي أعلن عن تقديمه جائزة "سيف هاربور الشرق الأوسط وشمال أفريقيا"، لصناع الأفلام النازحين واللي أجبروا أنهم يسيبوا بلادهم، وده بالتعاون مع مهرجان روتردام. وده في دورة مهرجان الجونة التاسعة واللي هتكون من يوم 15 لـ 23 أكتوبر الجاي.

"سيف هاربور" هو برنامج اتأسس في 2026 في مهرجان روتردام السينمائي IFFR، بالشراكة مع الصندوق الدولي للمواهب السينمائية الصاعدة IEFTF، لصناع الأفلام النازحين مما قلل من قدرتهم على الوصول لشبكات العلاقات المهنية، والتمويلات وفرص التطوير، وغيره.

مهرجان الجونة هيستقبل أربع مخرجين نازحين عشان يساعدهم على التدريب وتشبيك العلاقات عبر الأنترنت وحضوريًا في الجونة، كمان هيقدروا يقدموا مشاريعهم للمتخصصين في صناعة الأفلام من سيني جونة. وكمان المهرجان هيعرض أفلام النازحين اللي كسبت في مهرجان روتردام السينمائي.

الصورة من الفيلم السوري "حلفاء في المنفى" ALLIES IN EXILE الفائز بجائزة سيف هاربور بمهرجان روتردام.