فيلمين مصريين في المسابقة الرسمية للأفلام القصيرة بمهرجان الجونة

مهرجان الجونة السينمائي أعلن عن مشاركة فيلمين مصريين في مسابقة الأفلام القصيرة، وهما "الخبيث" للمخرج جاد شاهين، و"إرتباك" للمخرجة مريم عبد الجابر، وده في دورته التاسعة واللي هتكون من 15 لـ 23 أكتوبر الجاي.

أما "الخبيث" للمخرج والمؤلف جاد شاهين فهو كمان هيتعرض لأول مرة عالميًا، وبيحكي عن وباء غامض بيضرب نساء قرية "صيد"، عشان يلاقي "فتحي" نفسه ما بين خوفه على اللي بيحبه وما يُنتظر منه يعمله.

وبطولة عزيز الجزار، وهبة خيال، وندى فوزي، وهناء المصري. ويضم فريق عمل الفيلم المنتجة يارا جبران، والمنتجين المنفذين إسلام الدخاخني وأحمد الدخاخني، ومدير التصوير مصطفى الكاشف، ومهندسة الديكور إيمان العلبي، ومصممة الأزياء ليلى ماجد، والمونتيرة هبة عثمان، والمؤلف الموسيقي أمير خلف، وتلوين ماجيك، ومصمم الصوت معتز القماري، والمشرف على الإنتاج أحمد نوح.

"إرتباك" للمخرجة مريم عبد الجابر هيتعرض لأول مرة عالميًا في المهرجان، وهو بطولة ركين سعد ونحة البطراوي، وبيحكي عن مسؤولة خزانة شابة بتستلم ظرف غامض من زبونة مسنة، والظرف بيكون فيه مفتاح ورغبة للتفقد والاطمئنان على الشقة في حالة لو اختفت.

ولما بتختفي المرأة المسنة عن الظهور، بتدخل العاملة للبيت وفعلا بتلاقي جثثة المسنة، وبدل ما تطلب المساعدة بتلبس لبسها وبتاخد الخاتم بتاعها.